Мәләүез ҡалаһы Мәләүез йылғаһының Ағиҙелгә ҡойған ерендә урынлашҡан. Нуғай даруғаһы Тамьян улусы ерҙәрендә урынлашҡан был ауылға нигеҙ 18-се быуатта һалына. 1795 йылда бында 60 йортта 434 кеше йәшәгәнлеге билдәле. 1865 йылда халыҡ һаны 800-ҙән ашып китә. Сиркәү, почта, 3 һыу тирмәне, 30 кибет булған. Улус идараһы урынлашҡан. Йәрминкәләр уҙғарылған. Халыҡ ылыусылыҡ, урман кәсептәре м-н шөғөләнгән. 19-сы быуаттың 30-сы йылдарынан алып хәҙерге исеменә йөрөтә.
