Быйылғы йылдың Ғаилә йылы тип иғлан ителеүен һәр кем хуплап ҡабул ҡылғандыр. Был сара дәүләттең нигеҙен нығытыуға тағы ла ҙурыраҡ мөмкинлектәр асылырына өмөт уята. Ғаиләгә ҡағылышлы мәсьәләләр "Самауыр янында" ла һәр ваҡыт иғтибар үҙәгендә. Йырлы самауыр үҙе үк берҙәм, татыу ғаиләне һынландырыр үҙенсәлекле символ-билдә тип тә атарға мөмкиндер. Сөнки самауырҙар өҫтәл түренә тап оло табындарҙа, бар ғаилә ағзалары бергә йыйылғанда ҡуйыла. “Юлдаш” самауырын тыңлаусыларыбыҙ һәм эстрадабыҙҙағы моңло парҙарҙың береһе өсөн ҡайнаттыҡ.
