Был аҙнала Өфөлә байтаҡ мәҙәни саралар үтәсәк. Шулар араһынан бәләкәй ҡалалар театрҙары фестивален айырым билдәләп үтергә теләйбеҙ. “Берҙәм Рәсәй” партияһының “Бәләкәй ҡалалар театрҙары” проекты буйынса грант алған ижади коллективтар бер нисә көн буйына баш ҡала тамашасыһын ҡыуандырасаҡ. Стәрлетамаҡ башҡорт дәүләт драма театры артистары тамашасылар менән осрашыуҙы тулҡынланып менән көтә. Мостай Кәрим исемендәге Милли йәштер театрында Данил Сәлиховтың “Ҡатын түгел – аждаһа!” комедияһы ҡуйыласаҡ. Төп ролдәрҙә Башҡортостандың атҡаҙанған артистары Зөлфиә һәм Азамат Хәлиловтар.
