Башҡортостандың халыҡ шағиры Рауил Бикбаев бер интервьюһында шулай тигәйне: “Әҙәби нағыш” башланғас, аптырап ҡалдым. Ул тиклем район һайын шағир буламы икән ни тип? Һәр хәлдә төбәктә ижад иткәндәрҙең 70-80 проценты барыбер шул үҙешмәкәр кимәлдә. Ни хәл итәһең, элегерәк мин үҙнәшергә, һәүәҫкәр шиғыр яҙыусыларға ҡаршы инем. Әммә тора-бара аңланым: ижад иткән кеше барыбер насар юлда йөрөмәй бит, башҡалар өҫтөнән шикәйәт яҙмай. Ул күңелендәген халыҡҡа еткерергә тырыша”. Шиғриәткә ғашиҡтарҙың күңелендә насарлыҡҡа урын юҡ, ти тыңлаусыларыбыҙ.
