Ул йөрәген күккә, йондоҙҙар янына сөйә, серле йондоҙҙар уның күңелендә, ул яҙғы таңды йыр менән сәләмләй, тыуған ауылы - Исламғолона ашҡынып ҡайта, шул уҡ ваҡытта шәрек ҡыҙы Сөмбөлдө Истамбулдан эҙләй. Мәҙинә-гөлкәйгә лә битараф түгел. "Өфө йүкәләре", "Ҡышҡы романс" та уның башҡарыуында аһәңле, моңло... “Юлдаш” радиоһын тыңлаусылар Башҡортостандың атҡаҙанған артисы, Мостай Кәрим исемендәге Милли йәштәре театры актеры Венер Камаловтың йырҙарын яратып тыңлай. "Самауыр янында" йырҙар, театрҙағы эшмәкәрлек тураһында һөйләшәбәҙ.
