Беҙ йыш ҡына был ерем ауырта, йә булмаһа һыҙлай, сәнсә, тип зарланырға яратабыҙ. Ни өсөн шулай? Сөнки сәләмәтлеккә иғтибар итмәйбеҙ, ябай ғына ҡәғиҙәләрҙе лә үтәмәйбеҙ. Әйтәйек, туҡланыу. Дөрөҫ туҡланыу тураһында һуңғы ваҡытта йыш һөйләйбеҙ. Ни тиклем медицина, дауалау алымдар көслө булмаһын, кеше организмының көрәшеү кимәле һәм йәшәү көсөнөң тәрәнлеге мөһим. Ә организмдың көсө һәм ҡеүәте иң беренсе туҡланыуға бәйле. Ауырыу ҙа, һаулыҡ та — ашауҙан, тип юҡҡа ғына әйтмәйҙәр шул. Һүҙебеҙ ҙә ошо хаҡта булыр.
