СПИД ауырыуы беҙҙең быуаттың фажиғәһенә әүерелде. Сөнки был ауырыу бар кешелекте һәләкәткә килтерә. ВИЧ-инфекцияһы таралыу буйынса Рәсәй тәүге урында тора. Республикала ВИЧ-инфекциялы кешеләр һаны арта. Шуны әйтергә кәрәк, сир һуңғы йылдарҙа аҙғын енси тормош алып барған кешеләр араһында тарала.
Бөгөн Бөтә донъя СПИДҡа ҡаршы көрәш көнө. Республика тире-венерология диспансеры табибы Ғәлиә Төхфәтуллина менән ошо донъя афәтенә ҡаршы көрәш, яман сирҙең таралыуына юл ҡуймау тураһында әңгәмәләшербеҙ.
