Һауа торошо үҙгәреүсән генә булһа ла, ниһәйәт, һыу инеү миҙгеле башланды. Йәйен көндәр ҡыҙҙыра. Халыҡ иһә йылға-күл, диңгеҙ буйҙарына ашыға. Бигерәк тә бала-сағалар һыу буйынан ҡайтып инмәй. Эҫелә һыу инеүе рәхәт тә, күңелле лә, сәләмәтлек өсөн дә файҙалы. Шулай ҙа һаҡланыу саралары хаҡында оноторға ярамай. Һыу инеү һәм тәүге ярҙам күрһәтеү ҡағиҙәләрен белеү һәр кем өсөн мөһим.
