Күптән түгел шағирә Рәсимә Ураксина арабыҙҙан китеп барҙы. Уға иртәгә 65 йәш тулған булыр ине. СССР-ҙың халыҡ мәғарифы отличнигы, Башҡортостандың атҡаҙанған уҡытыусыһы, филология фәндәре кандидаты Рәсимә Миңлебулат ҡыҙы Дәүләкән районының Яңы Яппар ауылында тыуған. Уҡытыусылыҡ эше менән бер рәттән ул әҙәби ижад менән шөғөлләнде, фольклор буйынса ғилми тикшеренеүҙәр алып барҙы. Шекспир, Мольер, шулай уҡ урыҫ классиктарының әҫәрҙәрен тәржемә итте. Балалар өсөн «Тәтәй ҡалаҡ баҙарҙа», «Тәмле-тәмле тәмлекәс», «Йомро-йомро ер шары», «Бәпес ҡоймағы» тигән шиғри йыйынтыҡтары донъя күрҙе. Телмәр мәҙәниәте буйынса ғилми китаптары бар.
Хәҙер һеҙҙең иғтибарығыҙға Рәсимә Ураксинаның кескәйҙәр өсөн бер шәлкем шиғырын тәҡдим итәбеҙ. Автор уҡый. Радио фонды өсөн 2014 йылда яҙылды.
Мөхәррире – Әнисә Муллағолова, тауыш режиссеры – Гөлнур Моталлапова.
