Яҙыусы һәм журналист Аҫылғужа Баһумановтың тыуыуына 70 йыл. Тынғыһыҙ шәхес «Совет Башҡортостаны» газетаһы редакцияһында – бүлек мөдире, «Китап» нәшриәтендә директор булып эшләгән, Сибайҙа төбәк яҙыусылар ойошмаһына етәкселек иткән йылдарҙа «Ҡояшлы таң», «Боҙҙар аҡтарылғанда», «Мәңгелек тупһаһында» тигән китаптарын яҙырға өлгөрә. Был йыйынтыҡтарға ингән либретто, шиғыр, поэмалары һәм сағыу прозаһы ижади ҡомартҡы булып ҡалды.
