Яҙыусы Шакир Бикҡоловтың тыуыуына быйыл 85 йыл тулды. Шакир Сәлим улы Бикҡолов Әбйәлил районы Хәлил ауылында донъяға килгән. Тәүге ижад тәжрибәләре – балалар өсөн шиғырҙарын киң ҡатлам уҡыусы хөкөмөнә уҙған быуаттың 50-60-сы йылдарында сығара. Шакир Бикҡолов болгар һәм рус совет яҙыусыларын туған телгә ауҙара. Айырыуса Сергей Михалков, Корней Чуковскийҙың әҫәрҙәре менән башҡорт балалары туған телдәрендә уның тәржемәһендә таныша. Йәнтөйәк йылыһы, туған телгә һөйөү, юғары гражданлыҡ тойғолары, кешелекте уйландырған мәңгелек һорауҙар - әҫәрҙәренең төп мотивтары. Шакир Бикҡоловтың шиғри ижад емештәре радио өсөн 1984 йылда Башҡортостандың атҡаҙанған артисы Ғәлимнур Бикбулатов уҡыуында яҙылған.
