Матур ижад емештәре менән шиғриәтебеҙҙе байытҡан күренекле шәхестәр төрлө йылдарҙа Башҡортостан радиоһында лайыҡлы хеҙмәт атҡарҙы. Улар мәҙәниәт, сәнғәт, әҙәбиәт донъяһын яҡтыртып, халыҡҡа аҡ һүҙҙәрен, хаҡ фекерҙәрен еткерҙе, фондты тәрән йөкмәткеле тапшырыуҙар менән тулыландырҙы. “Радиола шиғри эҙе бар” тип аталған шәлкем Яҡуп Ҡолмой, Уран Кинйәбулатов, Тамара Ғәниева, Рәмил Йәнбәк, Хисмәт Юлдашев, Әхмәр Үтәбай, Тамара Искәндәриә шиғырҙарынан төҙөлдө. Авторҙар уҡый.
