Александр Сергеевич Пушкин Башҡортостан, башҡорт халҡы менән етди ҡыҙыҡһынған, архивтарҙа бай материал туплаған. Ырымбур губернияһына сәйәхәт ҡылғанда, башҡорттар менән осрашҡан, уларҙың Пугачев яуында ҡатнашыуына бәйле тарихтарын теркәгән. Башҡорт әҙиптәрен Александр Пушкиндың әҫәрҙәре туған телебеҙгә күпләп тәржемәләүгә лә илһамландыра. Шағирҙың 100 йыллығы билдәнгәндә, Мөхәмәтсәлим Өмөтбаев был ғәмәлгә юл ярып, “Баҡсаһарай фонтаны”н башҡортсаға ауҙара. Александр Пушкиндың шиғри шәлкеме башҡорт шағирҙары тәржемәләрендә 1971 йылда яҙылған. Хәким Хәйретдинов уҡый.
