Тамара Ғәниева – ижады хәҙерге башҡорт шиғриәтенең кимәлен баһалаған, шиғри һүҙе күңелдәргә үтеп инер ҡөҙрәткә эйә әҙиптәрҙең береһе. Публицистика, драматургия, тәржемә өлкәһендә лә ул ең һыҙғанып эшләй, уңыштары әҙәби премиялар менән бүләкләнә. Тамара Әхмәтшәриф ҡыҙының зауыҡлы ижад емештәре тиҫтәнән ашыу йыйынтығында донъя күрҙе. Хәҙер иғтибарығыҙға әҙибәнең шиғри ижадынан бер тупланма тәҡдим итәбеҙ. Шәлкем радио фондына автор уҡыуында 2008 йылда яҙылды.
