Нәфис һүҙ баһалаусыларҙың күңелен Зөһрә Ҡотлогилдина үҙенең тормош асылы, әсә һөйөүе, мөхәббәт тойғолары хаҡында тәрән лиризмға һуғарылған бай шиғриәте менән яулай. Зөһрә Сәлимйән ҡыҙы әҙәбиткә уҙған быуаттың 70-се йылдарында аяҡ баҫа. Журналистика, проза, публицистика өлкәһендә лә әүҙем эшләй, тиҫтәләгән китап авторы. Шиғри шәлкем автор уҡыуында яңғырай, радио фонды өсөн 2012 йылда яҙылған.
