Ғәли Ибраһимов исемендәге премия лауреаты Эльмира Сәсәнбаева - әҙәби псевдонимы Сәсәниә - 1950 йылдың 27 авгусында Ишембай районы Маҡар ауылында тыуған. Стәрлетамаҡта "Сода" берекемәһендә эшләй, Башҡортостан мәғарифты үҫтереү институтында тарих, мәҙәниәт һәм әҙәбиәт фәндәрен уҡыта. Нәфис әҙәбиәт һөйөүселәргә "Рәхмәт һүҙе", "Илгизәр", "Моң тәңре", "Ваҡыт әйләнеше" шиғри йыйынтыҡтары, фантастик хикәйәләре аша таныш. Сәсәниәнең шиғриәте үҙенсәлеге менән айырыла, ул поэтик фекерен, образдарын аҡ шиғыр рәүешендә формалаштыра. Сәсәниәнең "Атам йәдкәре" поэмаһы автор уҡыуында яҙылған.
