Башҡортостандың халыҡ шағиры, Салауат Юлаев исемендәге дәүләт премияһы лауреаты Ҡәҙим Аралбаев – хәҙерге башҡорт шиғриәтенең йөҙөн, баһаһын билдәләгән, ил мәнфәғәтен иңенә һала белгән әҙиптәрҙең береһе. Әҙәбиәткә ярты быуат элек аяҡ баҫып, ул күңелдәрҙе үткер, тәрән фекерле, сағыу образлы шиғриәте менән яулауын дауам итә. Ҡәҙим Аралбаевтың шиғри шәлкеме автор уҡыуында яңғырай.
