Фәнил Бүләковтың шиғырҙары студент сағында уҡ баҫыла башлай. Башҡорт дәүләт университетының “Шоңҡар” әҙәби түңәрәгендә ул илһам ҡанаттарын нығыта, артабан ижадтан айырылғаны юҡ. Шиғри шәлкемдәре газета-журналдарҙа донъя күрә, китап булып сыға. Тәрән хис-тойғоларға бай, ил-донъя, халыҡ, тыуған төйәк рухиәте менән һуғарылған шиғриәте күңелдәрҙә ауаздашлыҡ таба. Фәнил Бүләковтың шиғырҙары автор уҡыуында яңғырай.
