Кәрим Булатбай улы Сәлимов 1949 йылдың 11 февралендә Ғафури районы Яугилде ауылында тыуған. Хеҙмәт юлы эшсе һөнәренә бәйле булһа ла, рухиәте журналистика һәм шиғри ижадтан айырылғыһыҙ. Йәмәғәт тормошонда әүҙем ҡайнап йәшәүе лә әҙәби мөхит офоҡтарын киңәйтә, илһам сығанаҡтарын байыта. Кәрим Булат балалар өсөн дә, өлкәндәр өсөн дә берҙәй илһамланып яҙа, байтаҡ шиғыры композиторҙар тарафынан көйгә һалынып, сағыу йыр гөлләмәһен хасил итә.
Кәрим Булаттың шиғырҙарын Башҡортостандың халыҡ артисы Фирҙәт Ғәлиев уҡый.
