Флүзә Азамат ҡыҙы Әхмәҙиева 1949 йылдың 27 июнендә Учалы районы Яңы Байрамғол ауылында донъяға килә. Ижади һәләте өс йәшлек сағында уҡ тойомлана башлай, ә тәүге шиғырҙары Башҡорт дәүләт университытында уҡыған сағында матбуғатта баҫыла. Ҡыҫҡа ғына ғүмерендә лә ул башҡорт әҙәбиәтен нәфис һүҙ өлгөһө булыр шиғырҙары менән байытты. Флүзә Әхмәҙиеваның шиғырҙарын Башҡортостандың халыҡ артисы Илсейәр Ғәзетдинова уҡый.
