Масҡар.
"Масҡар" һүҙе "Ауыр, ҡатмарлы хәрәкәттәр башҡарыусы; акробат" мәғәнәһендә йөрөй. Миҫал: Ҡайһы бер спорт бейеүе масҡар оҫталығы менән башҡарыла. Байрам майҙанында масҡарҙар сығыш яһай.
Миҙәт.
"Сәләмәтлек, көс" тигән һүҙҙәрҙе "миҙәт" һүҙе менән алыштырып була. Мәҫәлән: Ҡул миҙәте. Себерҙә эшләр өсөн, ныҡлы миҙәт кәрәк.
Миҙәтле.
"Миҙәтле" һүҙенә "сәләмәт, көслө" тигән мәғәнә һалына. Миҫалға: Миҙәтле рух. Бөркөт миҙәтле ҡанаттарын йәйә.
Милләтпәрүәр.
Үҙ милләтен яратҡан, илһөйәр, патриот кеше тураһында элек "милләтпәрүәр" тигәндәр. Әле лә синоним рәүешендә ҡулланырға мөмкин. Миҫал: Милләтпәрүәр ил башлығы. Милләтпәрүәрлек тәрбиәһе.
Миннәт.
Кешегә күрһәткән яҡшылыҡ, изгелекте күҙҙә тотҡанда, "миннәт" һүҙе лә тура килә. Миҫал: Ауыр хәлдә ҡалғандарға миннәт күрһәтеү. Эскерһеҙ миннәт.
