Тәгәс.
Ҡайһы бер һөйләштә - туҫтаҡ, икенсеһендә – сынаяҡ өҫтө. Миҫалдарҙы күп килтерә алабыҙ: Ҡымыҙ тәгәсе. Тәгәскә кәрәҙле бал һалыу. Буталлы тәгәстән сәй эсеү.һ.б.
….
Тыҫыр.
Тыҫыр – бешеп етмәгән аш-һыу хаҡында һөйләгәндә ҡулланылған һүҙ. Мәҫәлән: Тыҫыр бутҡа.
………………
Тына.
“Тына” - эш барышында ике ял араһындағы ваҡытты белдергән һүҙ. Мәҫәлән: Бесәнселәр ямғыр яуғансы ике тына эшләп өлгөрҙө.
…
Тыуыш.
Тыуыш – боҙ өҫтөнә сыҡҡан һыу, шәре. Миҫалға: Тыуыш сыҡҡансы, йылғаның бер яғынан икенсеһенә юл өҙөлмәй.
….
Тәйән.
“Гел” тип әйтәһеңме, әллә уның урынына “тәйән” тиһеңме – мәғәнәһе бер үк. Миҫал өсөн: Күлгә тәйән аҡҡоштар ҡайта. Ауыл халҡы уларҙы тәйән күҙәтеү, һаҡлауға алған.
