Һырғаҡ.
Күп мәғәнәле һүҙ. Тәүгеһе – йәбешеп тороусан, һырып барыусан. Миҫалға: Һырғаҡ ҡар. Һырғаҡ үлән.
Икенсе мәғәнәлә һырғаҡ тип ҡаты, әсе елгә ҡарата әйтәләр. Миҫал: Төньяҡтан һырғаҡ ел иҫә.
Ә бүре һырғағы тигәне март уртаһында була торған һуңғы буранды белдерә. Мәҫәлән: Бүре һырғағынан һуң көн аяҙытып ебәрҙе.
………….
Һыпат.
Һыпат ул - кешенең йөҙ-ҡиәфәте. Миҫал: Матур һыпат.
…
Һыпатлы.
Һыпатлы “Төҙ, күркәм йөҙ-ҡиәфәтле” тигән мәғәнәне аңлата. Һыпатлы кеше. Үҫмер һыпатлы егеткә әйләнде.
…
Һыптағай.
Иркен итеп тегелгән кейем тураһында шулай тиҙәр. Һыптағай күлдәк. Бесән сапҡанда һыптағай кейем уңайлы.
………
Һәғәттә.
Был һүҙ әлегә һирәк-һаяҡ булһа ла осрай. Йәнле телмәрҙән бөтөнләй төшөп ҡалмаһын тип, иҫкәртеү урынлы. “Хәҙер үк, бик тиҙ” тиер урынға “Һәғәттә” тип әйтеү ҡолаҡҡа бик яғымлы яңғырай. Мәҫәлән: Эште һәғәттә башҡарыу. Юлға һәғәттә йыйыныу
