Мәшһүр «Бабсаҡ менән Күсәк» («Бабсаҡ бей менән Күсәк бей») тигән эпик поэманы теркәп ҡалдырған, байтаҡ шиғырҙарын беҙгә мираҫ иткән Сабирйән сәсән Мөхәмәтҡолов (1890—1934) Бөрйән районы Әбделмәмбәт ауылында тыуған. «Мисәт» тигән шиғыры өсөн сәсән репрессияға эләгә һәм шунда һәләк була. Күп шиғыры яндырыла, бик аҙы ғына һаҡланып ҡала. Быйыл сәсәндең тыуыуына 125 йыл тулыуға бәйле хәтер сараһы ойошторолдо. Музейҙа сәсәндең шәжәрәһе ҡуйылған, мәғлүмәттәр йыйыла. Тапшырыу сәсәндең ауылында хәтирәләргә таянып яҙылды.
