1989 йылдың 3 июне. Оло Теләк ҡасабаһы тимер юлында Адлер-Новосибирск, Новосибирск-Адлер маршруттары менән елдереүсе ике пассажир поезы бер-береһе менән осрашып, көслө шартлау яңғырай. Меңәрләгән кешенең ғүмере өҙөлә. Француз ғалимы Пьер Буаст "Башыбыҙға ҡаза үҙебеҙҙең ғәйеп арҡаһында килә, "- тигән. Был ысындан да шулай микән, әллә тәҡдирҙең ҡушыуымы? Нисек кенә булмаһын, бына инде 25–се йыл ошо көндә был фажиғә шаһиттары, туғандарын юғалтҡандар Иглин районына юл ала, Хәтер көнө митингында ҡатнаша.
Публицист Марсель Ҡотлоғәлләмов әҙерләгән тапшырыу.
