Хеҙмәт тәжрибәһе – оло байлыҡ. Ул һәр заманға яраҡлашыуҙы еңеләйтә, һәр замандың үҙ кешеһе булыу юлын аса. Совет осорондағы хеҙмәт менән хәҙергеһен күпме генә сағыштырһаҡ, ҡаршы ҡуйһаҡ та, уларҙың төп нигеҙе, асылы үҙгәрешһеҙ ҡала.
Әлшәй районы Бәләкәй Ҡыпсаҡ ауылынан Самат Сәмиғуллин эш-хеҙмәт сынығыуын колхоздар бар саҡта ала. Ике дәүер кешеһе тип тә атарлыҡ уны. Оҙаҡ йылдар эшләгән күмәк хужалыҡ тарҡалғас, ҡул һәм аҡыл көсөн, туплаған тәжрибәһен фермерлыҡта һынап ҡарарға тәүәккәлләй.
