Бурысҡа тиң хоҡуҡ

      Рәсүл Сәғитов:

Фото №1 - Бурысҡа тиң хоҡуҡ

       – Нимә ул һайлау? Һүҙҙе ныҡ ҡыҫҡа тотҡанда – асыҡ йәки йәшерен тауыш ысулы менән кемгәлер ниндәйҙер вәкәләт биреү. Оҙонайта төшһәк – дәүләттең ижтимағи-сәйәси тормошонда, йәмәғәт ойошмаһының, хеҙмәт коллективының эшмәкәрлегендә ҡатнашыуыбыҙҙың иң киң таралған формаһы. Сәйәси система эшләһен өсөн ғайәт мөһим институт.

      Кеше ғүмер юлында гел һайлай – дуҫтарын, һөнәрен, тормош юлдашын һәм башҡалар, әммә иң яуаплыһы – барыбер ҙә тотош ил кимәлендәге мәсьәләгә ҡараш белдереү. Шуға күрә Конституцияла яҙылғанды – тауыш биреү хоҡуғыбыҙҙы ҡәтғи бурыстай күреп үтәргә тейешлегебеҙ тураһындағы һығымта етди. Етди, сөнки быны илдең киләсәкке яҙмышы буйынса үҙенә күрә бер килешеү тип тә ҡабул итеү дөрөҫтөр: кандидатҡа үҙебеҙҙең исемдән ҡарарҙар ҡабул итеү мөмкинлеге тапшырыла бит.

      Бөгөн «Асыҡ студия» тап ошо мәсьәләгә асыҡ – 9 сентябрҙә Башҡортостан парламенты – Дәүләт Йыйылышы-Ҡоролтайға яңы депутаттар һайларыбыҙ нигеҙ быға. Әле – кампанияның айырыуса ҡыҙған мәле – кисәнән участка һайлау комиссиялары эшләй башланы ла инде:  3391-е даими, 35-е – граждандарҙың ваҡытлыса булған ерҙәрендә ойошторолдо.

      Сентябрҙең икенсе йәкшәмбеһендә, шулай итеп, 110 депутат һайланасаҡ. Кандидаттар һаны күпкә күп. 

      Ентеклерәк мәғлүмәтте студия ҡунағы – Башҡортостан Үҙәк һайлау комиссияһы рәйесе Хәйҙәр Вәлиевтан ишетәйек.

 

Эксперттар: Башҡортостанда еңел сәнәғәткә үҫеш мөмкинлектәре юғары
Эксперттар: Башҡортостанда еңел сәнәғәткә үҫеш мөмкинлектәре юғары
Асыҡ студия
Студенттар көнө: юғары белемме, йәмғиәттә урыныңды табыумы?
Студенттар көнө: юғары белемме, йәмғиәттә урыныңды табыумы?
Асыҡ студия
Бал ҡорто — халҡымдың дан ҡото
Бал ҡорто — халҡымдың дан ҡото
Асыҡ студия
Уфимская волна
Пенальти