Ҡышҡа ла аяҡ баҫтыҡ, календарҙа декабрь булһа ла, ер өҫтө һаман “аҡ юрған”ға төрөнмәгән. Синоптиктар ҙа ҡар яуыуын вәғәҙәләмәй. Киләһе аҙнала ла яуым-төшөм көтөлмәй. Киләсәккә фараздар менән булмайыҡ, ә уҙып барған аҙнаға күҙ һалайыҡ. Төрлө ваҡиғалары менән тарихҡа инеп ҡалды ул. Беҙҙең ижади төркөм шуларҙың ҡайһы берҙәренә айырым туҡталып баһа бирергә тырышты. Шулай итеп...
Социаль инвестициялар дәүләте һәм "ҡәҙерле бала дәүере". Рөстәм Хәмитов Дәүләт Йыйылышы-Ҡоролтайға мөрәжәғәтнамә менән сыҡты. Республика үҫешә, социаль сәйәсәткә иғтибар арта.
Башҡортостан автономияһы нисек төҙөлгән? “1917 йыл Рәсәй халыҡтары яҙмышында”. Өфөлә ошондай исем аҫтында ғилми-ғәмәли конференция үтте.
Илебеҙгә эшсе ҡулдар кәрәк. Республикала һәр тармаҡ өсөн һөнәри стандарт индерелә.
Мөмкинлектәре сикләнһә лә, улар өсөн сиктәр юҡ. Бөгөн халыҡ-ара инвалидтар көнө.
